Legjenda e Napolit, Diego Armando Maradona është rikthyer të flasë për kombëtaren argjentinase dhe për trajnerin Sampaoli. Ai ka ngritur akuza për profesiomalizmin e tij mbi zgjedhjen e lojtarëve. Kjo ka ardhur pasi ai ka lenë jashtë ekipit Higuaine dhe Agueron, e ka preferuar lojtarë më të rinj por që bëjnë mirë në ekipet e tyre. Problemi kryesorë i tij është Mauro Icardi, asnjëherë nuk ka pasur simpati për yllin e Interit dhe kjo për shkak të jetës personale që bën futbollisti.
Sa i përket kreut të pankinës së Argjentinës, Maradona është shprehur se ai i kishte kërkuar bashkëpunimin kur drejtonte Sevillian, por që nuk do ta pranonte kurrë diçka të tillë pasi ai nuk është profesionist. “Para disa kohësh më kërkonte të bënim së bashku një projekt për Seviljen, ndërsa tani e mohon paturpësisht, sepse ka marrë drejtimin e kombëtares. Sampaoli është një njeri fals, që hiqet shumë më i aftë sesa është në të vërtetë dhe nuk do të doja kurrë të bashkëpunoja me të”, tha Maradona.
Ndërsa sa i përket grumbullimit të Mauro Icardit në kombëtare, ai shprehet se e gjitha është falë Wandës, bashkëshortes së futbollistit. Ajo e ka telefonuar disa herë Sampaolin, si duket ai nuk i ka rezistuar dot dhe ka pranuar ta grumbullojë lojtarin. Por kurrsesi nuk jam dakord që të jetë ai në kombëtare dhe të lihet jashtë Higuain apo Aguero. “Nuk e kuptoj se si mund të lihen jashtë Aguero dhe Higuain dhe të thërritet njëri që i ka marrë gruan shokut. E di mirë unë historinë e tyre. Icardi është një person që luan futboll me fëmijët e Maxi Lopezit, ndërsa gruaja e tij do të hyjë në botën e futbollit, duke u bërë menaxherja e tij. Më kanë thënë njerëz të sigurt se Wanda kishte telefonuar 3 herë Bauzën dhe 4 herë Martinon, për t’i bindur të thërrasin Icardin, por nuk ia doli. Sampaoli mesa duket nuk i rezistoi telefonatave të gruas menaxhere të tij”, tha Maradona.
