Sergio Ramos padyshim është një ndër liderët e Spanjës në këtë Botëror, pasi mbanë dhe shiritin e kapitenit. Diego Maradona nuk është i mendimit se ai është një yll në ekipin e tij dhe këtë e ka shprehur hapur gjatë komentit të një ndeshje. Por Ramos nuk ia ka përtuar dhe i ka kthyer menjëherë përgjigje, duke ia ulur vlerat si futbollisti argjentinas më i mirë dhe zgjedh Messin.
“Maradona? Unë e respektoj Diegon, sepse është një njeri i madh. Mendoj se është pak “i krisur”, por unë po ju them se cili është futbollisti argjentinas më i mirë. Edhe vetë Maradona e di se është vite-dritë larg nga numri një, Messi”, u shpreh Ramos.
Por çfarë tha Maradona:
Diego Armando Maradona, protagonist në këtë Kampionat Botëror në Rusi, jo më si trajner, por në cilësinë e komentatorit për kanalin televiziv “Telesur”, nuk iu shmanget dot debateve, madje edhe kur nuk ka të bëjë me Argjentinën e tij. Pasi më parë preferoi të marrë anën e Higuain mbi Aguero, tani Maradona ka preferuar të injorojë mbrojtësin e Spanjës dhe kapitenin e Real Madridit, Sergio Ramos.
“Kur flitet për yje… Dëgjova të thuhet një ditë më parë se Sergio Ramos është një yll. Nuk dua të debatoj, por më duhet të kundërshtoj. Jo, yll është Godin”, – deklaroi “El Pibe d’or”, duke dashur të vlerësojë me superlativa mbrojtësin e Uruguajit dhe të Atletico Madridit, pas atij starti pozitiv në Botëror. Një vlerësim që është dashur të shoqërohet me injorimin e Ramos. Por, ky i fundit ka reaguar “flakë për flakë”…
