Deputeti i VMRO-DPMNE-së, Nikolla Todorov, njëherësh edhe ish-ministër i Shëndetësisë, ka dhënë dorëheqje nga funksioni i deputetit në Kuvendin e Maqedonisë.
Todorov në profilin e tij në Facebook ka shkruar se planifikon që në të ardhmen t’i përkushtohet profesionit të tij si avokat.
“Duke e pasur parasysh se planifikoj që në të ardhmen t’i përkushtohem më shumë profesionit tim bazë si avokat, si dhe të mundem të jap më shumë kontribut në aktivitetet partiake, më lejoni të ju informoj se kam vendosur të jap dorëheqje nga funksioni i deputetit në Kuvendin e Republikës së Maqedonisë”, ka shkruar Todorov në Facebook.
