Kryetari i VMRO-DPMNE-së Nikolla Gruevski sërish ka kërkuar që së bashku me zgjedhjet lokale të mbahen edhe ato parlamentare. Ai ka thënë se është i bindur se në ato zgjedhje do të kishte fituar VMRO-DPMNE.
“Përfaqësuesit e partive politike janë dakordësuar që zgjedhjet lokale të mbahen më 15 tetor. Shpresoj që kësaj radhe LSDM nuk do të ndryshoj sikurse ka ditur të bëj shpesh herë në të kaluarën. Kur do të shohin se do të humbin kërkojnë alibi dhe të prolongojnë. Shpresoj që edhe njëherë do të mendojnë që së bashku me këto zgjedhje lokale të mbahen edhe ato parlamentare, ku do të jepet mundësia qytetarëve të tregojnë qëndrimin e tyre për gjithë atë që kanë bërë LSDM dhe VMRO në periudhën pas zgjedhjeve”, ka thënë Gruevski, transmeton Shenja.TV
