Pas heqjes së mandatit të deputetëve të dyshuar për dhunën në Kuvendin e Maqedonisë, ata janë parë sot në Gjykatë.
Konkretisht deputetët Johan Tarçullovski, Zhaklina Peshevska dhe Krsto Mukoski janë parë sot pranë ndërtesës së Gjykatës Themelore Shkupi 1 në Shkup, ku do të dëgjojnë vendimin e gjykatës të procedurës paraprake rreth përfshirjes së tyre në ngjarjet e përgjakshme në Kuvendin e Maqedonisë më 27 prill.
Ndërkohë, deputetët e tjerë të dyshuar, Sasho Vasilevski, Ljuben Arnaudov dhe Ljupço Dimovski pritet që të mbërrijnë çdo moment në gjykatë.
Ditën e premte, në Kuvendin e Maqedonisë u votua heqja e mandatit të tyre, në mënyrë që më pas të përballen me drejtësinë, teksa 6 deputetët akuzohen për ngjarjet e përgjakshme në fund të muajit prill.
Peshevska u përshëndet me familjarët para gjykatës, kurse Mukoski tha se nuk ka bazë ligjore që të gjykohet.
