Kur dëgjon për Kroacinë, të vijnë në mendje ndeshjet dramatike që vetëm ata dinë ti bëjnë. Kroacia arriti në finale, pas tre ndeshjesh të çuara me shtesë në fazën me eliminim direkt të Botërorit të Rusisë. Viktima e fundit ishte Anglia, ku duhej të kthehej në hero Mario Madzukic në minutën e 109’, që Kroacia të shkonte në finale.
Emocionet që kanë përjetuar lojtarët kroatë në atë moment i shpjegojnë më së miri lotët e Mandzukic, që cilëso si “njeri i akullt”. Sulmuesi kroat, pas ndeshjes rrëfen atë që kishte ndodhur në fushë dhe sa e pabesueshme ishte për të:
“Kjo nuk është e vërtetë… Nuk është normale… Ne nuk jemi ende të vetëdijshëm për atë që kemi bërë… Unë ende nuk e di dhe nuk do ta kuptoj lehtë, por është realisht madhështore, nëse është e vërtetë,–shprehet Mandzukiç për median kroate. “Mrekullitë ekzistuakan, por unë edhe në momentin e golit nuk dija se çfarë të bëja. Madje, në lojë më është dashur një goditje e rëndë, 30 sekonda pas golit që të kuptoj realisht se çfarë kisha bërë, se çfarë ne arritëm që të bëjmë kundër Anglisë.
Unë e adhuroj futbollin, adhuroj mënyrën tonë sesi kemi luajtur në këtë kompeticion deri tani dhe e meritojmë më shumë se kushdo tjetër. Vërtet dukeshim të panjohur kundër Anglisë, vërtet do të vlerësohemi edhe si të tillë kundër Francës, por unë di që në këtë grup sivjet ka luanë që nuk lodhen kurrë së luftuari dhe në finale do të japim gjithçka kemi në zemër për të kompletuar këtë arritje, që ende nuk e besoj”.
