Zëvendëskryeministrja Ledina Mandija ka thirrur sot një mbledhje jashtë radhe të Task Forcës, pas shqetësimeve në rritje të ngritura nga subjektet politike.
Në mbledhje pritet të diskutohen informacionet në lidhje me rastet e dhunës gjatë fushatës zgjedhore dhe aktivizimin e elementëve kriminalë për të mbështetur subjekte politikë. Mësohet se në këtë mbledhje do të ketë një raportim i posaçëm, për kanosjen të drejtuesit të LSI, Dega Berat, Z. Krenar Shehu si dhe rastet e dhunës të shënuara në Pukë, Fushë-Krujë, Lezhë dhe Fushë- Arrëz.
Gjithashtu, Task Forca do të marrë në shqyrtim edhe informacionet e raportuara në të për shitblerje të votës, ndërsa një pikë tjetër ku do të ndalet Task-Forca është plani i masave i hartuar me qëllim trajtimin e incidenteve gjatë fushatës zgjedhore apo ditën e zgjedhjeve.
