Manchester United duket se është zhytur në një krizë të thellë dhe vetëm largimi i disa elementëve mund ta shpëtojë atë. Eliminimi nga Carabao Cap nga modestët e Derby County duket se e ka tronditur seriozisht pankinën e cila aktualisht mbahet nga portugezi Jose Mourinho.
Ylli francez, Paul Pogba nuk u aktivizua në këtë ndeshje dhe mendohet se ky është një ndëshkim për deklaratat që bëri javën e fundit, ku u shpreh publikisht se nuk ishte dakord me taktikat e trajnerit.
Tashmë stoli i “Special One” po lëkundet seriozisht dhe e ardhmja e tij është në pikëpyetje të madhe. Emri më i përfolur si pasuesi i tij është Zinedine Zidane, aktualisht i papunë, pasi i dha fund aventurës me Real Madrid.
Së fundi, trajneri francez është parë në Londër, së bashku me bashkëshorten e tij, Veronique. Ka qenë vetë Zidane që ka shpërndarë dy fotografi nga Londra në krah të gruas së tij. Interesant është fakti që në njërën nga foto ai është shfaqur në një kabinë telefonike, duke sinjalizuar se pret një “telefonatë punë”.
