Ministrja e Shëndetësisë, Ogerta Manastirliu ka dhënë sot një lajm të mirë, ku një grua ka fituar betejën me Covid-19.
Manastirliu thekson se bëhet fjalë për nënë Margaritën, e cila ka lënë spitalin ‘Shefqet Ndroqi’, tashmë e shëruar.
“Nënë Margarita ka lënë spitalin “Shefqet Ndroqi” e shëruar plotësisht dhe ka veçse mirënjohje për stafin mjekësor që e shpëtoi nga komplikacionet e shkaktuara nga virusi i rrezikshëm”, shkruan Manastirliu në rrjetin social Facebook.
Ndërkohë, situata e Covid-19 në vend vijon të mbetet kritike.
Në 24 orët e fundit u shënuan 4 viktima dhe 132 raste të reja.
