Një orë e nëntë minuta. Kjo periudhë kohore do të kishte mjaftuar që Martina Patti të vriste vajzën e saj 5-vjeçare Elena Del Pozzo më 13 qershor në Catania. “Quarto Grado” në episodin e së premtes 24 qershor, ka shfaqur pamjet e regjistruara nga një kamera vëzhgimi, në të cilat shihet gruaja duke sjellë fëmijën në shtëpi, për të dalë sërish me të pas 24 minutash.
Në pamjet e transmetuara nga Rete 4, teksa nëna po shkonte për në shtëpi, shohim vogëlushen e ulur në sediljen e përparme. Megjithatë, në udhëtimin e kundërt, kur nëna e saj me sa duket po e çonte në fushën ku u gjet kufoma, Elena ishte ulur në sediljen e pasme.
Kamera e vëzhgimit regjistron kalimin e makinës së Martina Pattit për herë të tretë: një orë e nëntë minuta më vonë. Këtë herë gruaja është e vetme, pa fëmijën dhe është nisur sërish për në shtëpi: duart e saj janë vendosur fort në timon dhe nuk duket se ka asnjë shenjë nervozizmi nga ana e Martinës.
Burimi i lajmit: Tgcom24. Përshtatur nga Tirana Today
