Një aksident me pasojë vdekjen ka ndodhur sot në fshatin Podgorie. Shtetasi J.K,ka përplasur me mjetin e tij Nissan me targa NZY7994 dy këmbësore të moshuara, të identifikuara me inicialet S.Ç, rreth 65 vjeçe dhe B.Xh, rreth 70 vjeçe, banuese në Podgorie.
Të plagosurat janë transportuar menjëherë në Spitalin e Pogradecit,por fatkeqësisht shtetasja S.Ç, ka ndërruar jetë pak minuta pas mbërritjes, ndërsa B.Xh ndodhet në gjendje të rëndë shëndetësore.
Drejtuesi i mjetit u shoqërua në ambientet e Komisariatit për veprime të mëtejshme, ndërsa grupi hetimor po punon për të përcaktuar rrethanat e shkaqet e aksidentit.
