Ministria e Punëve të Brendshme në Mal të Zi ka kërkuar ndihmë ndërkombëtare për të luftuar flakët në zonat afër detit Adriatik. Situata paraqitet më kritike në Llushticë, ku rreth 100 turistë janë detyruar të evakuohen si pasojë e zjarrit të madh.
Zjarri në Llushticë është zgjeruar për shkak të erërave të forta dhe temperaturave të larta, duke rrezikuar disa shtëpi dhe zona të kampit, ndërsa vështirësi kanë hasur edhe zjarrfikësit.
“Situata në Llushticë është kritike. Ministria e punëve të Brendshme në Malin e Zi ka kërkuar të aktivizohet Mekanizimi i Mbrojtjes Civile i Bashkimit Evropian”, ka thënë qeveria përmes një deklarate.
Gjithashtu, edhe udhëheqësit e qyteteve bregdetare të Kotorrit, Tivatit dhe Herceg Novit i kanë bërë thirrje qeverisë që të kërkojë ndihmë nga shtetet fqinje, si Kroacia, Bosnja dhe Serbia.
