Bëhet e ditur nga Policia e Ulqinit, se është sekuestruar një ton e gjysmë drogë, në një anije që ka lundruar në afërsi të Plazhit të Madh, shkruan indeksonline.
Policia e Malit të Zi ka arrestuar shtetasit shqiptar me inicialet B. T dhe E. Ç me dyshimet se ata janë të përfshirë në tregtinë ilegale të drogës.
“Rreth orës 11:00, rreth 8 kilometra nga Plazhi i Madh, në ujërat në drejtim të Italisë, njësiti kufitar detar i Tivarit ka kontrolluar barkën Club Man 28. Barka është drejtuar nga dy persona. Pas kontrollit, barka është ankoruar në Plazhin e Vogël”.
Në këtë anije janë kapur 78 thasë me nga 20 kilogramë marijuan, ka thënë një bashkë bisedues nga radhët e Policisë për gazetën Vijesti.
