Ish-ministri i Financave Arben Malaj ka deklaruar se vazhdimi i të njëjtës situata politike e çon vendin drejt problemeve ekonomike.
Sipas tij nëse situata do jetë e pa ndryshueshme do të ketë ndikimi të ndjeshëm në rritjen ekonomike në Shqipëri.
“Ekziston një lidhje fortë mes ekonomisë dhe politikes. Unë besoj se kriza në kohë moderne nuk mund të jetë një sukses. Nëse kriza vazhdon sistemi financiar bëhet më shumë i tkurrur. Probleme ka edhe tek bizneset e reja. Ka ndikime indirekte për qytetarët edhe në shërbime, pra në shëndetësi, arsim etj.”- tha Malaj.
Malaj u shpreh gjithashtu se në raste si ky që ne po kalojmë, votuesit nuk kanë besim tek politika, ndërsa politikat populiste shkatërrojnë ekonominë.
Nga ana tjetër Malaj u shpreh optimist lidhur me kapërcimin e ngërçit politik duke thënë se duhet të shfrytëzohet në maksimum koha e mbetur.
