Lufta në Siri, është një lëmsh i vërtetë. Pas 6 vjetësh, konflikti është i ndarë në 4 kampe kundërshtare, secila me mbështetës të huaj, që nuk bien dakord as me njëri-tjetrin, se kush po lufton kë. Dhe tani përdorimi i armëve kimike nga regjimi sirian, e provokoi presidentin Donald Trump të sulmojë drejtpërdrejti presidentin sirian Bashar Al-Asad. Ky është një zhvillim i rëndësishëm, pasi deri tani Shtetet e Bashkuara ishin të fokusuara vetëm në luftën kundër ISIS-it. Për të kuptuar ndërhyrjet e ndërsjellta dhe linjat e betejës në Siri, duhet të rikthehemi pas në kohë, në fillimin e konfliktit. Të shtënat e parë në luftë, ndodhën në marsin e vitit 2011 nga diktatori sirian Bashar Al-Asad, kundër protestuesve paqësorë të Pranverës Arabe.
Në korrik, protestuesit nisën të kundërpërgjigjen, dhe disa trupa dezertuan nga ushtria për t’iu bashkuar atyre që e quajnë veten Ushtria e Lirë Siriane. Kështu, kryengritja u shndërrua në një luftë civile. Ekstremistë nga rajoni dhe bota, nisën të shkojnë drejt Sirisë për t’u bashkuar me rebelët. Asadi e inkurajoi këtë duke liruar xhihadistët e burgosur, për të njollosur rebelimin me ekstremizmin fetar, dhe për ta bërë të vështirë përkrahjen nga faktori ndërkombëtar. Në janarin e vitit 2012, Al-Kaeda formoi një degë të re në Siri, Xhabhat Al-Nusra.
Gjithashtu, rreth asaj periudhe, grupet kurde siriane, që prej kohësh kërkonin autonomi, rrëmbyen armët dhe u shkëputën në mënyrë jozyrtare nga sundimi i Asadit në veri. Në verën e atij viti, konflikti sirian u shndërrohet në një luftë me prokurë. Irani, aleati më i rëndësishëm i Asadit ndërhyn në anën e tij. Në fundin e 2012-ës, Irani dërgonte furnizime të përditshme me avion, ndërsa kishte qindra oficerë në terren. Njëkohësisht, shtetet arabe të pasura me naftë në Gjirin Persik, nisën të dërgonin para dhe armë për rebelët, kryesisht për t’iu kundërvënë ndikimit të Iranit.
Në prillin e vitit 2013, administrata e Obamës, e tmerruar nga mizoritë e Asadit dhe numri në rritje i të vrarëve, nënshkroi një urdhër të fshehtë, që autorizonte CIA-n të trajnonte dhe pajiste me armë rebelët sirianë. Por programi i kërkonte në të njëjtën kohë shteteve arabe të Gjirit të ndalonin financimin e ekstremistëve. Por kërkesat e SHBA-së, në tërësi u shpërfillën.
Në shkurtin e vitit 2014, ndodhi diçka që transformon luftën. Një degë e Al-Kaedës, kryesisht me bazë në Irak, shkëputet nga grupi, për shkak të mosmarrëveshjeve të brendshme. Grupi e quan veten Shtetin Islamik i Irakut dhe Sirisë ose ISI,S dhe bëhet një armik i Al-Kaedës. ISIS-i nuk lufton kryesisht kundër Asadit, por ndaj rebelëve të tjerë dhe kurdëve në veri, duke krijuar një mini-shtet që e quan Kalifatin e vet. Atë verë, ISIS-i marshoi nëpër Irak, duke pushtuar territore dhe ngritur botën kundër tij. TIRANA TODAY
