Një 65-vjeçar ka humbur jetën si pasojë e një aksidenti në punë. Viktima punonte në një fabrikë që prodhonte vaj ulliri në periferi të Tiranës.
Policia njofton se 65-vjeçarit i kishte këputur dorën makineria e përpunimit të vajit të ullirit.
Më datë 19.12.2024, në fshatin Barbas, Petrelë, shtetasi M. P., rreth 65 vjeç, dyshohet se aksidentalisht ka dëmtuar dorën në makineri në një fabrikë për prodhimin e vajit të ullirit në pronësi të shtetasit Xh.H, dhe si pasojë ka humbur jetën.
Grupi hetimor po punon për dokumentimin e rrethanave të rastit.
