Dy persona që po transportonin kanabis me makinë janë arrestuar nga policia në Belsh. Mësohet se brenda automjetit janë gjetur dhe sekuestruar 28 kg kanabis, ndërsa janë vënë në pranga Daniel Metushi 40 vjeç drejtuesi i makinës dhe Nandi Lleshi 26 vjeç pasagjer.
Policia bën me dije se në banesën e 26-vjeçarit u gjet edhe një sasi kanabisi rreth 1 kilogramë. E gjithë sasia e lëndës narkotike dhe automjeti i përdorur prej dy të arrestuarve është sekuestruar.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve”.
Njoftimi i policisë
Belsh – Elbasan
Mbi bazën e informacioneve të marra në rrugë operative nga Specialistët e Seksionit për Hetimin e Narkotikëve dhe Trafiqeve, në Drejtorinë Vendore të Policisë Elbasan se në një automjet po transportohej lëndë narkotike.
Menjëherë shërbimet e policisë kanë bërë bllokimin e automjetit në Belsh dhe gjatë kontrollit të automjetit që drejtohej nga shtetasi D.M., me pasagjer shtetasin N.L., është gjetur dhe sekuestruar në cilësinë e provës materiale rreth 28 kg lëndë narkotike e dyshuar “Cannabis Sativa” .
Në vijim të veprimeve të mëtejshme në banesën e shtetasit N.L., është gjetur një sasi e vogël rreth 1 kg lëndë narkotike. Gjithsej 29 kg lëndë narkotike e dyshuar “Cannabis Sativa”.
Si rezultat u bë arrestimi i shtetasve;
N.L., 26 vjeç dhe D.M., 40 vjeç të dy banues në Lushnje
Lënda narkotike dhe automjeti u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” parashikuar nga neni 283/2 i Kodit Penal.
# # #