Prodhuesi francez Renault ka ideuar konceptin e një makine të quajtur Symbioz. Makina elektrike që për momentin është vetëm ide, ofron hapësirë ekstra për të ndenjur dhe karikon energji me bateritë e saj, në shtëpinë ku do të parkohet.
Makina dhe shtëpia e saj u prezantuan në ekspozitën e makinave në Frankfurt.
Bateritë në Symbioz ruhen në vend parkimin e makinës, duke maksimizuar hapësirën e brendshme në makinën konceptuale në përgjithësi. Makina është e aftë të vetëdrejtohet dhe vendet e përparme mund të rrotullohen plotësisht. Në këtë mënyrë të gjithë banorët mund të qëndrojnë të ulur ballë për ballë edhe kur makina nuk është në udhëtim.
Kur të mbërrijë në shtëpi, konkretisht në një shtëpi me koncept të koordinuar me ngjyra, vetura bëhet pjesë e dhomës së ndenjes. Ajo mund të ngjitet gjithashtu edhe në një ashensor për t’u bërë një meditimi me pamje të yjeve nëpërmjet dritares së saj panoramike.
“Nuk mund të mendojmë më të izolojmë dizajnin e makinave. Renault Symbioz është me të vërtetë një projekt unik që na lejoi të punojmë me planifikuesit, projektuesit, inxhinierët dhe arkitektët,” tha në një deklaratë dizajneri kryesor i Renault, Laurens van den Acker./ Tirana Today
