Një person ka mbetur i plagosur rëndë, si pasojë e një aksidenti që ka ndodhur mbrëmjen e djeshme në aksin Elbasan- Metalurgji. Mjeti me targa El 9956 A me drejtues shtetasin E.P.,28-vjeç, banues në lagjen “Aqif Pasha” në Elbasan, është përplasur me motoçikletën me targa AR 489.
Si pasojë e përplasjes është aksidentuar drejtuesi i motoçikletës. Ai është transportuar menjëherë në Spitalin e Elbasanit, për marrjen e ndihmës së duhur shëndetësore. Bluzat e bardha thonë se ai ndodhet në gjendje të rëndë.
Drejtuesi i mjetit është shoqëruar në ambjentet e Komisariatit të Policisë Elbasan, për veprime të mëtejshme.
Grupi hetimor ndodhet në vendngjarje, dhe po punon për zbardhjen e shkakut të aksidentit.
