Më 27 janar avokatja e njohur Eni Çobani dhe ish-ministrja e Jashtme e Kosovës Edita Tahiri janë përfshirë në një aksident në Tropojë. Makina me të cilën ato ishin duke pushtuar ka rrëshqitur në humnerë për shkak të ngricave.
Jurishtja e Gjykatës së Tropojës, Pranvera Vatoci, po ashtu edhe mikesha e Çobanit ka rrëfyer ngjarjen e frikshme që i kanë parë sytë, pasi ka qenë dëshmitare në momentin e aksidentit. Ajo ka treguar për herë të parë se çfarë ndodhi dhe thekson se ishte një mrekulli që kanë shpëtuar.
Postimi i Vatocit
“Miq! Sikunder dhe mediat kanë informuar me dt.27 janar 2019 në hyrje të qytetit Bajram Curri për shkak të motit të akullt mikeshat e mia të nderuara Edita Tahiri dhe Eni Çobani pësuan me automjetin e tyre një rrëshqitje e cila në ç’do rast tjetër mund të shndërrohej në një ngjarje tragjike. Duke qenë dëshmitare pasi unë me miken time Rezarta Metaliaj nga automjeti i jonë pamë me sytë tonë automjetin tip “Audi Q5” drejtuar nga Eni Çobani teë rrëshqasë në humnere tek “Kthesa e Shydenicës”…!
Përveç mrekullisë që bëri Zoti duke shmangur fatalitetin arsyeja e kapërcimit të këtij rasti pa pasoja është intervenimi i grupit të gatshëm të Komisariatit të Policisë së Tropojës. Si heronj të vërtetë profesionalistë dhe humanistë të pashembullt punonjësit e policisë Esat Sinani, Kastriot Ponari dhe Alfred Metaliaj bënë të mundur nxjerrjen nga makina e humnera si dhe transportin e zonjave Tahiri e Çobani drejt Spitalit Bashkiak Tropojë. I njëjti përkushtim e profesionalizëm na priti dhe nga personeli i urgjencës. Duke falënderuar sërish Zotin që ndihmoi miket e mia po ashtu falënderoj këdo që na u gjend pranë me mirësinë e përkujdesjen shembullore”, shkruan Vatoci.
