Pas zbulimit të shumës marramendëse të eurove në Portin e Durrësit, janë shoqëruar nga policia e prokuroria tre persona.
Deri tani mësohet se janë numëruar rreth 5 milionë euro, ndërkohë që numërimi vijon ende. Po kështu burime nga policia bëjnë me dije se eurot me prerje të ndryshme nuk janë të falsifikuara.
Shumë e parave në valutë të huaj u gjet në një mjet tip ‘Toyota Yaris’ në portin e Durrësit. Mjeti ishte nisur nga Belgjika dhe nuk kishte destinacion përfundimtar.
LEXO EDHE: Basha paralajmëroi 3 ditë më parë kapjen e Toyota Yaris me miliona euro (Video)
Dyshohet që të jenë para të siguruara nga aktivitete kriminale. Policia ka nisur hetimet për zbulimin e burimit të parave dhe destinacionin e tyre por nuk ka ende asnjë njoftim zyrtar Policia e Shtetit.
