Majlinda Kelmendi është kualifikuar në çerekfinale të kampionatit botëror të xhudos, i cili po mbahet në Budapest.
Xhudistja nga Peja në kategorinë deri në 52 kilogram, në raundin e parë ishte kualifikuar pa luftë, kurse në raundin e dytë e kishte mposhtur, zviceranen Evelyne Tschopp.
Më pas në raundin e tretë, Kelmendi mundi italianen Odette Giuffrida. Në çerekfinale, kampionia ka mposhtur garuesen nga Franca, Amandine Buchard për të kaluar në gjysmëfinale të kësaj gare ku do të përballet me japonezen, Ai Shishime.
Duket se fituesja e medaljes së artë në Lojërat Olimpike “Rio 2016”, Majlinda Kelmendi është në rrugë të duhur për të fituar medaljen e artë në Kampionatin botëror për herë të tretë me radhë.
