Teuta nuk ka arritur më shumë se një barazim sot në përballjen me Kamzën që këtë vi është ngjitur në Superligë. Durrsakët e nisën mirë sezonin por dy ndeshjet e fundit kanë dështuar të tregojnë në fushë më të mirë. Në ndeshjen e sotme Teuta kaloi e para në avantazh fal një autogoli, por barazimi erdhi nga pika e bardhë e penalltisë. Dukej se ky ishte rezultati që i shkonte për shtat kësaj sfide por Magani mendon ndryshe.
“Sot kemi lënë 2 pikë. Pas golit u tërhoqëm vetë jo për meritë të kundërshtarit. Duhet të ishim treguar më profesionistë dhe ta kishim dyfishuar rezultatin. Skuadra nuk është akoma gati për nivele të larta. Nuk kishim as ndërrime të cilët mund ti përgjigjeshin ekipi. Në fillim kemi qënë superior ndaj kundërshtarit, më pas kemi lëshuar në lojë. Për sa i përket gabimit, është një gabim që ndodh kudo. Ishte një ngritje dore instiktive. Po të kishte vazhduar loja edhe 5 minuta mund të ishim mundur”, tha peqinsai.
Në minutat e fundit Teuta u tërhoq mbrapa në mbrojtje të rezultati, por Magani thotë se nuk ishte direktiv e tij.
“Nuk e tërhoqa unë skuadrën mbrapa, erdhi si presion i kundërshtarit. Në mesfushë ishim superiorë, patëm 2 mungesa të rëndësishme, Cyrbjen dhe Osemenen. Në qoftë se do ishim më të qetë do e kishim fituar ndeshjen, jam i bindur për këtë gjë”.
Sa i përket mungesës së agresitivteti trajneri shtoi: “Ne ishim më superiorë se Kamza sot. Unë nuk bëj modestin, kemi mbjellë një farë të mirë që do shërbim. Kam vërejtje për disa lojtarë. Të gjithë duhet të sakrifikojnë për skuadrën. Ka lojtarë që nuk e justifikojnë fanellën”.
