Bayern dhe Lyon do të luajnë mbrëmjen e sotme, prej orës 21:00, gjysmëfinalen që do të përcaktojë skuadrën tjetër finaliste të këtij edicioni në Champions League.
Gjermanët janë favoritë, edhe prej paraqitjes së jashtëzakonshme me Barcelonën, por Lyon do të synojë të bëjë një tjetër surprizë.
Pasi eliminuan Juventusin dhe Manchester Cityn, francezët besojnë tek një tjetër mrekulli. Dëshira dhe cilësia tek Lyon nuk mungon, megjithatë Bayern mbetet i frikshëm, shkruan “A2”.
Bavarezët e drejtuar nga Hansi Flik vazhdojnë të ëndërrojë fitimin e tre titujve madhorë brenda një sezoni, duke marrë edhe Kupën e Kampionëve, trofe që mungon prej vitit 2013.
