Një aksident i rëndë ka ndodhur në hyrje të qytetit të Lushnjës. Një automjet tip ‘Ford’ me targa AA 587AM, ka përplasur Ersuel Kamxhi, punonjës i Postës Shqiptare.
Kamxhi ishte duke udhëtuar me motoçikletën e tij, kur u përplas nga makina me drejtues shtetasin, Ervis Blliku, 27 vjeç, nga Lushnja.
Ngjarja ka ndodhur pranë rrethrrotullimit, pranë ish-fabrikës së plastmasit në qytetin e Lushnjës.
Policia ka ndalur drejtuesin e mjetit, Ervis Bllikun, nuk dihen akoma shkaqet e këtij aksidenti të rëndë.
