Kryeministrja britanike Theresa May ka dale ne një konferencë shtypi’ live ‘duke dhëne detajet e nevojshme për gjithë qytetaret e vet. Ajo është shprehur në mbështetje të SHBA-ve dhe se sulmi është i drejtë dhe i ligjshëm.
“Veprimi ushtarak ishte “i drejtë dhe i ligjshëm” dhe dërgon një mesazh te forte. Ne e dimë se regjimi sirian përdori në mënyrë të neveritshme armët kimike kundër popullit të vet. Kjo nuk ka të bëje me ndërhyrjen në luftën civile siriane”-tha ajo.
May u përball me pyetjet e medias, nëse është e sigurte se e ka mbështetjen e qytetarëve për sulmin në Siri.
“E mora këtë vendim sepse besoj se është gjëja e drejtë. Mesazhi është se përdorimi i armëve kimike është ilegal. Komuniteti ndërkombëtar nuk mund të rrinte duarkryq. Kemi parë agjentë nervorë që u përdorën dhe këtu në Angli. Kemi parë sulm të armëve kimike. Është në interesin tonë dhe të ardhmen që përdorimi i armëve kimike të ndalohet”- tha ajo.
