Tensionet mes Turqisë dhe Greqisë janë rritur ndjeshëm muajt e fundit. Turqit kanë dërguar së fundmi në anije turke -qipriote në Detin Egje dhe po sfidojnë hapur sovranitetin e Greqisë.
Mbajtja e zgjedhjeve presidenciale në Turqi mund të zvogëlonte rrezikun e një incidenti të nxehtë në Egje, por ushtrimet e vazhdueshme në zonat gri të detit Egje, jo vetëm që lënë jashtë retorikën e zgjedhjeve, por po nxisin tensione të larta. Të mërkurën Ankaraja futi në Egje një anije turke-qipriote, shkruan tribune.gr.
Ajo do të marrë pjesë në një stërvitje ushtarake. Ushtria e kërkim- shpëtimit e quajtur “Deti Lion” do të zhvillojë stërvitjen e saj në 13 – 15 Maj.
Kjo nuk është një stërvitje që bëhet për herë të parë. Megjithatë çështja e kërkim-shpëtimit është ajo që intensifikon kërkesat dhe mosmarrëveshjen mbi sovranitetin në Egje.
Stërvitja do të zhvillohet në ujërat ndërkombëtare të Egjeut. Aty do të marrin pjesë vëzhgues të huaj nga 18 vende dhe 26 vëzhgues nga institucione të ndryshme turke.
Ndërkohë, Turqia njoftoi edhe për një tjetër stërvitje të quajtur “Stuhia e Bardhë 2018”.
Autoritetet turke u kanë bërë thirrje autoriteteve detare dhe të peshkimit dhe anijeve tregtare mbi 300 ton, për të bashkëpunuar me Qendrën Detare të Marinës Turke, me bazë në Izmir.
Thirrjet për të bërë stërvitje të njëpasnjëshme ushtarake, si dhe angazhimin i Ankarasë sa më shumë në Egje, bën që situata të jetë shqetësuese për Athinën e cila beson se Turqia kërkon të ruajë intensitetin, duke kërcënuar në këtë mënyrë sovranitetin e Greqisë. TIRANA TODAY
