Ministri i Brendshëm, Dritan Demiraj ka monitoruar sot, përmes një inspektimi ajror, gjendjen e kultivimit të lëndëve narkotike në vend.
Pas inspektimit, Ministria e Brendshme njofton se nuk është evidentuar asnjë rast i kultivimit të bimëve narkotike.
Edhe nga raportimet e marra nga Policia e Shtetit nuk rezulton të ketë kultivim në masë të lëndëve narkotike, me përjashtim të rasteve të izoluara që janë evidentuar dhe asgjësuar.
Gjithashtu, ministri Demiraj inkurajon Policinë e Shtetit të përqëndrohet në evidentimin dhe sekuestrimin e sasive stok të lëndëve narkotike të trashëguara nga viti i kaluar, për minimizimin dhe parandalimin e trafikimit të tyre jashtë Shqipërisë.
