Franca dhe Rusia bëhen bashkë për një qëllim madhor: luftën ndaj ekstremizmit.
Ministrat e Jashtëm të Francës dhe Rusisë premtuan se do të lënë anash dallimet për të luftuar atë që ata e quajtën “armikun kryesor”.
“Terrorizmi ndërkombëtar është armiku ynë kryesor, prandaj luftimi i tij nënkupton lënien anash të çështjeve të tjera”, ka thënë ministri i Jashtëm i Rusisë, Sergei Lavror pas takimit të tij me homologun francez, Jean-Yves Le Drian në Paris.
Rusia dhe Franca janë sulmuar vitet e fundit nga grupi ekstremist ISIS. Rusia ka qenë përpara një presioni të madh diplomatik nga vendet e Perëndimit, pasi ato kanë kërkuar që Rusia të distancohet nga regjimi i presidentit sirian Bashar al- Assad, ndërsa ky presion është rritur pas të dhënave të publikuara nga OKB, që tregojnë se Damasku ka përdorur gazin vdekjeprurës nervor, Sarin, gjatë sulmeve të muajit prill.
Megjithatë Moska i ka mohuar këto të dhëna,duke i cilësuar ato si të dyshimta.
Le Drian ka thënë se Franca dhe Rusia mund të mos pajtohen rreth sulmit të 4 prillit në Siri, mirëpo të dy vendet janë totalisht kundër përdorimit të armëve kimike, shkruan REL.
