Birra Tirana” e Luan Bregasit duket se është mbytur në borxhe. Deri më tani, Luan Bregasi njihet si personi i veshur me mantel biznesi “VIP” e me mandate pushteti lokal në Tiranë, pjesë familjare-klienteliste e politikës dhe pushtetit të çdo ngjyre. Por kjo nuk e ka shpëtuar dot biznesmenin nga ‘mali i borxheve’.
Në krye të listës së borxheve “mal” ndaj shtetit, figuron “Birra Tirana”, me status faktik e falimentuar, biznes të cilin, administratori ligjor Luan Bregasi e ka zhytur e mbytur, në “vaskën” e 1.3 milionë euro borxhe ndaj shtetit, për shkak të paaftësisë paguese, që ka mbërthyer këtë biznes të dalë loje.
Sipas të dhënave zyrtare, rezulton se “Birra Tirana”, ka detyrime ndaj Tatimeve qëndrore për akcizën dhe detyrimet e TVSH, për të cilat, i kanë shkuar 38 herë grupet e inspektorëve, por Bregasi i pushtetit, jo vetëm nuk ka paguar asnjë qindarkë detyrim, por ka shpërfillur e kërcënuar tatimorët me largim nga puna.
Sipas informacioneve, inspektorët tatimorë, kanë vendosur 5 herë gjoba, por gjobat u janë hedhur në koshin e plehrave. Ndërkohë që prej 8 muajsh, janë ndaluar të shkojnë në “Birra Tirana”, gjithë institucionet, ndaj të cilave ka detyrim ky pisnes-biznes.
Kujtojmë, që “Birra Tirana”, ka detyrime taksash e tarifash lokale ndaj Bashkisë Tiranë, ku kryebosi i saj Luan Bregasi, është anëtar i Këshillit Bashkiak, që megjithëse vetë nuk paguan asnjë qindarkë taksë, kërkon sekuestro për bizneset debitore të Tiranës.
“Gropa e zezë” e Luan Bregasit, ka borxhe ndaj OSHEE, për të cilat 7 herë është tentuar t’i ndërpritet energjia elektrike.
Biznesi “Birra Tirana”, ka detyrime për sigurimet shoqërore e shëndetësore të punonjësve, një pjesë e të cilave, iu falën në Paketën e Amnistisë Fiskale të vitit 2017, por avazi i mos-pagimit vazhdon, ndërkohë që tatimet nuk veprojnë, pa përmendur skandalin, që një pjesë e fuqisë punëtore, trajtohen si të punësuar “part-time”.
Sa për kujtesë, Luan Bregasi që “mbyti” Birra Tirana, është personi që njihet, si “varrmihësi” i bazës ligjore dhe aktivitetit të bizneseve të ndershme shqiptare, kur ishte kryetar i Dhomës së Tregtisë e Industrisë.
Prej disa vitesh si shef i “Biznes Albania”, po përdoret si “zar” i çdo qeverie, duke miratuar çdo rritje çmimi uji, energjie, tarifash mjedisire, përmbaruese, noteriale, taksa rënduese e rrënuese, që vendosen mbi biznesin, ndërsa vetë, nuk paguan asnjë qindarkë e nuk ndëshkohet, mbasi shërben si “oturak” i pushteteve./Marrë nga Pamfleti/
