Joachim Low ka surprizuar me zgjedhjet paraprake të 27 lojtarëve të grumbulluar për Botërorin “Rusi 2018”. Ajo që bie në sy është grumbullimi i Manuel Neuer që vazhdon të vuaj një dëmtim dhe nuk ka luajtur asnjë minutë që nga prilli i vitit të shkuar. Por kapiteni i panzerave shpreson që ai do të jetë gati, pasi është një nga shtyllat kryesore të ekipit të tij. Po ashtu edhe Marco Reus është në këtë listë pavarësisht se pjesën më të madhe të sezonit që u mbyll ka qëndruar jashtë fushe duke vuajtur dëmtime të njëpasnjëshme.
Gjithashtu, në listë është edhe emri i veteranit Mario Gomez, i cili ka fituar një vend në kombëtare falë sezonit të mirë me Stuttgart. Nga ana tjetër, lojtarë si Mustafi, Stindl, Wagner, Emre Can apo heroi i Botërorit të fundit, Mario Götze, i kanë lënë vendin të rinjve Goretzka, Brandt, Sané dhe Werner. Në prezantimin e listës u zyrtarizua edhe rinovimi i kontratës së Joachim Low deri në vitin 2022.
Ja lista paraprake e plotë e Gjermanisë:
Portierë: Leno (Leverkusen), Neuer (Bayern), Ter Stegen (Barcelona) dhe Trapp (PSG).
Mbrojtës: Boateng (Bayern), Ginter (Gladbach), Hector (Colonia), Hummels (Bayern), Kimmich (Bayern), Plattenhardt (Hertha), Rüdiger (Chelsea), Süle (Bayern), Tah (Leverkusen).
Mesfushorë: Brandt (Leverkusen), Draxler (PSG), Gündogan (City), Khedira (Juventus), Sané (City), Reus (Dortmund,) Kroos (Real Madrid), Goretzka (Schalke), Rudy (Bayern) dhe Özil (Arsenal).
Sulmues: Mario Gómez (Stuttgart), Müller (Bayern), Werner (RB Leipzig) dhe Petersen (Friburgo).
