Kampionët e botës kanë dështuar në ndeshjen e parë të Botërorit përballë Meksikës dhe kjo ka krijuar shumë zhurmë në Gjermani. Kjo ishte nisja më e keqe që kishin bërë “panzerat” prej shumë vitesh dhe kjo ka bërë që trajneri Low të përfundojë në akuza të rënda për përzgjedhjet që ka bërë.
“Tani kombëtarja do të ketë një presion shumë të madh,–ka shkruar te Bild, Lothar Matthaus.–Kishte kohë që nuk shikoja një Gjermani kaq të dobët në një turne të madh.
Ka munguar përqendrimi, pozicionimi i duhur, kemi bërë shumë gabime. Askush nuk guxonte të kalonte kundërshtarin. Reus duhet të jetë gjithmonë titullar dhe kam menduar edhe për Sane, i lënë në shtëpi”.
Edhe Michael Ballack ka sulmuar lojtarët dhe trajnerin në rrjetet sociale: “Nuk ka shpirt skuadre, nuk kam parë një ekip të uritur dhe me dëshirën për të fituar. Low është në vështirësi”.
