Policia britanike arrestoi një person të armatosur, me dy thika të mëdha, në qendër të Londrës. Ngjarja ndodhi fare pranë ndërtesës së Parlamentit, ku më 22 Mars mbetën të vrarë 5 persona në sulmin terrorist të marrë përsipër nga ISIS.
Sipas policisë londineze, edhe ky rast dyshohet se ka lidhje me terrorizmin ndërkombëtar. Personi i arrestuar është rreth të 30-ave.
Ende nuk bëhet e ditur se cilat ishin qëllimet e tij, por dyshohet se është i lidhur me Shtetin Islamik. Fatmirësisht, asnjë person nuk mbeti i lënduar.
Arrestimi për terrorizëm mban në alarm autoritetet e sigurisë në Britani, në një kohë kur po zhvillohet fushata për zgjedhjet e parakohshme të 8 Qershorit.
