Është pritur në masa të forta sigurie, skuadra e Partizanit të Beogradit në aeroportin e Rinasit. Të cilët do të përballen në sfidën e tretë të fazës në grupe të Europa League, përballë Skënderbeut në “Elbasan Arena”. Këto masa të rrepta siguri janë kërkuar nga klubi serb për të shmangur ndonjë incident të mundshëm. Por janë vetë serbët që provokojnë që në momentin që zbresin në Rinas, me anë të një fotoje të shkrepur nga mediat serbe që shoqërojnë ekipin.
Futbollisti Partizanit, Zoran Tosic është fotografuar duke ngritur tre gishta, një provokim i hapur për të gjithë shqiptarët. Pasi tre gishtat simbolizojnë luftën që bënë çetnikët serb ndaj shqiptarëve. Ky është një provokim i rëndë, që ndoshta ka si mesazh të vejë nën presion ekipin organizator, Skënderbeun dhe ta kenë më të lehtë të enjten në mbrëmje marrjen e tre pikëve. Ky provokim shkon tërësisht kundër frymës që ka dashur të transmetojë ekipi korçarë që organizon këtë sfidë, pasi u kanë kërkuar tifozëve që do të jenë në stadium që të mos e ofendojnë kundërshtarin dhe të mos ketë thirrje raciste, pasi futbolli duhet distancuar nga politika dhe ta shijojmë thjesht si një ndeshje futbolli.
Të gjitha këto provokime, që ndezin më shumë këtë sfidë duhet ti paraqitën institucionit përkatës UEFA-s, që të merren masat e të mos përsëriten ato që ndodhën në 14 tetorin e 2014, në Beograd me Kombëtaren shqiptare. Ky precedent është mjaft i freskët dhe nuk duhet toleruar asnjë veprim i tillë që dëmton futbollin dhe nxit dhunë në shkallët e stadiumit.
