Sulmuesi i ‘shqiponjave’, Zaha bëhet lojtari i parë i Premier Ligës që nuk gjunjëzohet në kuadër të luftës kundër racizmit.
Në një deklaratë 28-vjeçari shpjegoi veprimin e tij: “Vendimi im për të qëndruar në këmbë para ndeshjes ka qenë i ditur prej dy javësh.
“Nuk ka vendim të saktë ose të gabuar, por ndiej që gjunjëzimi është bërë pjesë e rutinës para ndeshjeve dhe nëse gjunjëzohemi ose jo, disa prej nesh vazhdojnë të abuzohen …
“Unë e di që duhet bërë shumë punë për të sjellë ndryshime dhe unë e respektoj plotësisht këtë gjë.
“Respektoj plotësisht shokët e mi të skuadrës dhe lojtarët nga klubet e tjera që vazhdojnë të ulen në gjunjë.
“Si shoqëri, besoj se duhet të inkurajojmë arsimim më të mirë në shkolla dhe kompanitë e mediave sociale duhet të ndërmarrin veprime më të forta kundër njerëzve që abuzojnë me të tjerët në internet, jo vetëm me futbollistët.”
