Procesi i vettingut për momentin ka ndaluar për ish-kryeprokurorin Adriatik Llalla pas kërkesës së tij për tu dorëhequr nga sistemi i drejtësisë. Akoma nuk është sqaruar nëse vettingu do të vijojë për Llallën, por një organ tjetër mund të vijojë hetimet për ish-kryeprokrorin pa asnjë shqetësim. Komisionit te Pavarur te Kualifikimit vijon punën e tij i pavarur. KPK sqaron me tej se aktualisht po punon për hartimin e vendimit të arsyetuar, për Adriatik Llallën, i cili brenda 30 ditëve do t’u njoftohet subjektit të rivlerësimit, komisionerit publik, vëzhguesve ndërkombëtarë, si edhe do të bëhet publik në faqen zyrtare të institucionit. Kujtojmë se KPK kryen procesin i rivlerësimit të gjyqtarëve dhe prokurorëve kryhet mbi bazën e tri kritereve: a) vlerësimi i pasurisë; b) kontrolli i figurës; dhe c) vlerësimi i aftësive profesionale.
I pyetur nga Vizion Plus se çfarë ndodh me faktet e mbledhura gjate procesit te rivlerësimit. Komisioni i Vettingut preferon të shmangë komentet në këtë fazë të procesit, por nuk e mohon se do t’i drejtohet Prokurorisë në rast të sigurimit të dokumenteve që faktojnë shkeljet.
“Ju sqarojmë se jemi të detyruar të respektojmë dhe zbatojmë në germë dhe frymë ligjin nr. 84/2016, i cili në nenin 4, pika 7, thotë se e drejta e informimit, e parashikuar në ligjin “mbi të drejtën e informimit”, mund të kufizohet duke respektuar parimin e proporcionalitetit nëse dhënia e informacionit shkakton një dëm të qartë dhe të rëndë për administrimin e procesit të rivlerësimit”, thuhet në reagimin e Komisionit të Vettingut.
