Kryeprokurori Llalla ka folur sot pas takimit urgjent që zhvilloi në Prokurorinë e Durrësit.
Ashtu siç u njoftua edhe më herët, Llalla konfirmoi se në këtë takim është diksutuar lidhur me sasitë e mëdha të trafikut të drogës, nga Durrësi drejt Italisë.
Kryeprokurori tha se ka nisur një hetim lidhur me këtë çështje, si dhe siguroi se përgjegjësit do të dalin para drejtësisë.
“Kemi diskutuar për problemin e trafikut të drogës, në sasi të mëdha, nga Durrësi drejt Italisë, dhe për këtë çështje kemi nisur edhe hetimet, ku përgjegjësit pritet të dalin para drejtësisë”, tha Llalla.
I pyetur nga gazetarët lidhur me atentatin e përfolur ndaj Bashës, kryeprokurori tha:
“Nuk ka mbërritur ende dosja për atentatin ndaj kreut të Partisë Demokratike. Kur të mbërrijë dosja, do të hetohet akuza”.
