Liverpooli shpërdoron shumë, De Gea mrekullia e United (Video)

Është mbyllur në barazim pa gola derbi i Anglisë mes Liverpool e Manchester United. Anfield ka qenë i zjarrtë që në momentin që kanë zbritur lojtarët në fushë dhe ka zgjatur gjatë gjithë ndeshjes. Liverpool ishte ekipi që u hodh në sulm gjatë gjithë kohës he kërkoi golin duke dominuar të gjithë ndeshjen sa i përket statistikave, por formacioni i Mou diti të mbyllet mjaft mirë mbrapa. De Gea ishte heroi i këtij takimi duke bërë disa pritje vendimtare ndaj Salah e Coutinho. Liverpool është padyshim ekipi që del i zhgënjyer nga kjo sfidë pasi dominuan për 90’ minuta ndeshjen, por nuk u treguan të saktë para portës, për të mos harruar formën fantastike që tregoi De Gea. Manchester United është i kënaqur që doli me një pikë nga një stadium kaq i vështirë dhe aktualisht mbanë vendin e parë me një pikë më shumë se Manchester City, këta të fundit do të përballen me Stoke City në javën e 9 të Premier League.