Liverpool në mesjavë do të zhvillojë përballjen e parë me gjigantët gjermanë të Bayern Munich, të vlefshme për Champions League. Një kundërshtar i veçantë për Jurgen Klopp, pasi është përballur dhe ka luftuar për disa vite me radhë kur drejtonte Dortmund, po ashtu ka edhe një finale Championsi të humbur përballë tyre. Klopp në prag të kësaj supersfidë shprehet se e ka studiuar mjaft mirë Bayernin dhe e ka gati strategjinë për ti ndalur ata në Europë.
“Kanë kaluar vite nga ajo kohë dhe Bayern ka ndryshuar shumë edhe pse rezultati i tyre është gjithnjë i njëjtë: Janë kampionë në Gjermani. Kam parë 5-6 ndeshjet e fundit të Bayern dhe kam nxjerrë disa përfundime, që ua kam transmetuar lojtarëve, për ta përgatitur sa më mirë këtë sfidë. Në bazë të asaj që kemi parë dhe cilësive që kemi ne si skuadër kemi ndërtuar strategjinë tonë të lojës. Presing me të gjitha forcat dhe të shënojmë sa më shumë që në ndeshjen e parë”, tha Klopp.
A STUNNING team move from the Reds last weekend!
Here are
other perfectly orchestrated strikes under Jürgen Klopp…
— Liverpool FC (@LFC) February 16, 2019
Më tej, Klopp shprehet: “Tani kanë një trajner tjetër, me filozofi tjetër loje, por cilësia e tyre është gjithnjë e njëjtë. Pavarësisht kësaj, as ata dhe as ne nuk nisemi si favoritë në këtë përballje, që mund të dhurojë shumë spektakël në fushë. Luajmë në shtëpinë tonë dhe nuk duam të zhgënjejmë para fansave tanë. Atmosfera këtu do të jetë fantastike dhe tifozët do të jenë arma më shumë në këtë sfidë. Atmosfera do të na karikojë më shumë dhe shpresojmë të luajmë bukur, ashtu siç kemi bërë gjithnjë”, u shpreh Jurgen Klopp.
