Liverpool ka filluar bisedimet me mesfushorin e ekipit të Brescias, që militon në Serie B të Italisë. Bëhet fjalë për atë që është cilësuar si ‘Andrea Pirlo i ri’, Sandro Tonali. 18-vjeçari ka tërhequr vëmendjen e një sërë klubesh evropiane.
Tonali këtë sezon ka shënuar dy gola dhe ka dhuruar tre asiste për Brescian dhe është grumbulluar në kombëtaren e parë të Italisë. Ishte “Gazzetta dello Sport” ajo që publikoi lajmin se skautë të Liverpool ishin të pranishëm në Itali për të ndjekur lojtarin në ndeshjet e Serie B.
Drejtuesit e Brescia e vlerësojnë lojtarin 30-35 milionë euro, një shumë mjaft e madhe për një talent i cili nuk është promovuar në elitën e futbollit. Por edhe gjigantët e Serie A, si Milan, Inter, Juventus dhe Roma janë të interesuar për të afruar talentin 18-vjeçar.
Pronari i Brescia Massimo Cellino pranoi se kohët e fundit ai kishte qenë në kontakt me Liverpool. Ai tha për Corriere dello Sport: ‘Po, Roma më ka pyetur për Tonalin. Unë kam folur për të me [drejtorin romë] Mauro Baldissonin disa herë, por unë dua ta mbaj djalin sa më gjatë që të jetë e mundur.
A është gati ai? Nuk e di, ai është vetëm 18-vjeç. Por Liverpool gjithashtu më ka kontaktuar pak kohë më parë “.
Pas grumbullimit të parë në kombëtaren e Italisë në nëntor, trajneri Roberto Mancini, e quajti lojtarin “tepër të talentuar”.
“Dua të theksoj përsëri se ai është tepër i talentuar dhe ka mundësi të përmirësohet më shumë. Do ta njoh atë më mirë gjatë ditëve të ardhshme “, tha ish-shefi i Manchester Cityt në atë kohë për gazetarët. TIRANA TODAY
