Liverpool pavarësisht largimit të yllit brazilian, Phelippe Coutinho, është duke dhuruar performanca mjaft të mira. Djemtë e Klopp arritën që të thyenin Manchester Cityn e cila në këtë sezon nuk kishte pësuar asnjë humbje dhe të parën ia shkaktuan ‘The Reds”. Edhe pse në fillim të merkatos ata nënshkruan me një mbrojtës mjaft të mirë, Virgil Van Dijk, për një shumë stratosferike prej 85 milionë eurosh, kanë një problem më të madh në ekip.
Tekniku Klopp nuk është i bindur me asnjërin nga portierët që ka në dispozicion, Karius Loris dhe Simon Mignolet nuk sjellin siguri në katërkëndësh. Për këtë arsye së fundmi ‘Liverpool Echo’, faqe e certifikuar nga klubi, ka shkruar një artikull ku u sugjeron drejtuesve disa nga portierët më të mirë të momentit.
Në listë janë përfshirë disa nga portierët më të mirëtë momentit dhe ë të bën pjesë edhe portieri i kombëtares shqiptare, Thomas Strakosha. Lista është e gjatë dhe me emra të interesatë dhe jo të pamundur për tu arrirë si Oblack, Alisson, Koen Casteels, Peter Gulacsi.
Marrja e statusit titullarë dhe paraqitjet bindëse që ka bërë Strakosha në Serie A duke u përfshirë shumë herë edhe në formacionin e javës, ka bërë që ‘Liverpool Echo’ ta vendosi në krye të dëshirave.
Për Strakoshën ‘Liverpool Echo’ shkruan: “Zgjedhja statistikore – Thomas Strakosha! Shqiptari është pak i njohur, por ka bërë mjaft mirë me Lacion këtë sezon, duke patur statistika mjaft të mira. 22-vjeçari i lindur në Athinë ka pritur 53 krosa brenda zonës së tij, me një saktësi prej 100%. Por më e rëndësishmja, ai ka pësuar vetëm 24 gola në 19 ndeshje, duke e mbajtur portën 5 herë të paprekur. Ai vetëm mund të përmirësohet në të ardhmen.”
