Liverpool nuk e fiton Premier Leaguen që nga 1991-shi i largët. Me Jurgen Klopp në pankinë dhe me ecurinë që kanë pasur këtë sezon ata janë duke ëndërruar që pritja për të festuar të marrë fund.
Ndaj për këtë qëllim, në çdo merkato verore, klubi i kuq nuk e mban dorën në shpenzimet që bën, duke kërkuar t’i ofrojnë Jurgen Klopit kontingjentin e duhur për të rivalizuar denjësisht me “big”-ët e tjerë, sikundër Manchester City, Chelsea, Arsenal, Tottenham apo Manchester United.
Kështu, sipas asaj që publikon italiania “La Repubblica”, Liverpoli ka bërë gati 70 milionë euro për shtatshkurtrin Insigne. 27-vjeçari është lojtari më i talentuar i Napolit dhe një shifër e tillë duket se mund të kënaqë De Laurentisin e “pangopur”.
Insigne menaxhohet nga Mino Raiola, i vetmi që mund t’i mbushë mendjen De Laurentisit të shesë sulmuesin e tij, që deri në këtë pikë të sezonit ka shënuar 11 gola.
