Liverpool ka zhvilluar një ndeshje të madhe në “Anfield” përballë Manchester Cityt, ku kanë fituar me rezultatin e thellë 3-0. Një rezultat që i kalon “The Reds” me një këmbë në gjysmëfinale. Klopp vazhdo të ruaj traditën duke qenë trajneri që e ka mundur më shumë Guardiolan në karrierë, pasi kjo ishte e shtata.
Mohamed Salah, njeriu i sezonit, kaloi në avantazh “të kuqtë” pas 12 minutash lojë, duke realizuar golin e tij të 38-të në 42 ndeshje zyrtare, më shumë se kushdo tjetër në Europë.
Në mesin e pjesës së parë vendasit dyfishuan rezultatin me një “predhë” të Chamberlain, që u ndal në rrjetë, ndërsa kur u mbush gjysmë ore lojë, Saido Mane shënoi me kokë golin e tretë, pas krosimit të Salah
Në pjesën e dytë, Liverpool humbi shërbimet e Salah për shkak dëmtimi, por administroi avantazh e tre golave pa rrezikuar asgjë në prapavijë. Manchester City fitoi 8-0 me korne, por rezultati 3-0 ia bën thuajse të pamundur përmbysjen në “Ettihad Stadium”.
