Lazio vazhdon të mbajë vendin e katërt në Serie A dhe kjo më shumë falë shkëlqimit të Thomas Strakoshës. Gardiani kuqezi është duke kaluar një formë fantastike këtë sezon dhe e ka treguar në çdo ndeshje duke bërë pritje fantastike dhe decizive. Ai ka shpëtuar bardhekaltërit në sekondat e fundit të lojës në disa ndeshje, duke bërë pritje ‘anormale’.
Edhe në takimin e fundit ndaj Milanit, ku Lazio barazoi 1-1 një meritë të madhe kishte gardiani shqiptar që me pritjet e tij arriti të evitonte disa gola të sigurt, madje ishte edhe lojtari që nisi aksioni e golit në minutën e 94’.
Ashtu si edhe në javët e tjera, Strakosha është në listën e futbollistëve më të mirë në Itali, ku në 20 lojtarët më në formë, Strakosha është i vetmi që nuk e ka humbur vendin nga futbollistët e Lazios.
Me kalimin e javëve, në këtë listë ka pasur edhe futbollistë si Imobile apo edhe Milinkoviç Saviç, ndërsa këtë javë mungojnë të dy. Madje, më keq akoma, mesfushori serb bën pjesë në listën e futbollistëve me formën më të dobët (Flop). Lazio tashmë ka një futbollist që i mban flamurin e nderit lart dhe është Strakosha.
