Pas vendimit të Listës Serbe për të dalë nga koalicioni qeveritar, kryeministri Ramush Haradinaj ka thënë sot se do të vazhdojë punën. Haradinaj ka thënë se nuk e ka ndërmend të jap dorëheqje, dhe ka shpjeguar arsyet.
“Është i pakuptueshëm marrja e një vendimi për largim nga koalicioni”, ka konsideruar kryeministri në një konferencë për media.
“Veprimi i djeshëm nuk ka qenë i drejtuar kundër qytetarëve serb, sikurse as zyrtarëve serb, por i atyre që e kanë thyer ligjin”, tha ai.
“Dorëheqje nuk e kam plan me dhanë. Punën e kam me vazhduar”, shtoi Haradinaj.
Haradinaj ka thënë, po ashtu, se ka marrë përkrahje nga shumë deputet, pas largimit të Listës Serbe nga koalicioni, pas arrestimit dhe deportimit të Marko Gjuriç nga Kosova.
Kryeministri i gjithashtu ka komentuar arrestimin e djeshëm të shefit të zyrës për Kosovën në Qeverinë e Serbisë, Marko Gjuriq.
Ai ka thënë se ky veprim nuk ishte shumë i pëlqyeshëm por thjesht zbatim i ligjit.
“Veprimi i djeshëm, i arrestimit të zyrtarit të Serbisë nuk ishte një veprim i këndshëm ose i pëlqyeshëm por ishte zbatim i ligjit, i paalternativë meqë hyrja ishte ilegale. Edhe në këtë rast vlejnë procedurat standard që kanë zbatuar organet e rendit me profesionalizëm. E konsiderojmë si situatë standarde të rendit dhe ligjit, të pashmangshme, të aplikueshme ccdo herë në raste të veprimeve të ngjashme”.
Këto komente i pari i ekzekutivit i ka bërë pas mbledhjes së Këshillit të Sigurisë. TIRANA TODAY
