Kryeministri Edi Rama e ka pranuar hapur se ka dështuar me realizimin e premtimeve përgjatë qeverisjes së tij, ndonëse e shprehu me ironi dështimin e tij kur u ndesh me listën e premtimeve të pa mbajtura që iu bë e ditur në emisionin “Opinion”.
“Po kam dështuar. Ju thoni rruga e Arbrit është dështim, por është komplet e gabuar. Ndërtimi i rrugës së Arbrit do të thotë që fillon me projektin, me financimin etj. Të gjitha rrugët e Saliut janë skandale në çdo pikëpamje. Këto rrugë do t’u kushtojnë shumë shqiptarëve. Ashtu si me rrugën Tiranë-Elbasan, ku u shemb dheu sepse ishte bërë pa asnjë studim fizibiliteti ”, tha Rama.
