Publikohet lista me 22 këngët që do të marrin pjesë në netët e Festivalit të 57-të të Këngës në RTSH. Mes 54 këngëve, Komisioni përzgjedhës ka shqyrtuar dhe përzgjedhur këngët më të mira, ndërsa bie në sy rikthimi i këngëtarëve të mirënjohur.
Festivali i 57-të i RTSH-së këtë vit do të ketë si drejtore artistike sopranon me famë botërore Inva Mulën.
Të përzgjedhurit për netët finale janë këngëtarët Aurel Thellimi, Bojken Lako, Lorela Sejdini, Bruno Pollogati, Dilan Reka, Vikena Kamenica, Eliza Hoxha, Elona Islamaj, Orgesa Zaimi, Elton Deda, Eranda Libohova, Soni Malaj, Gjergj Leka, grupi Alar Band, Jonida Maliqi, Kelly, Klint Çollaku, Klodiana Vata, Kujtim Prodani, Lidia Lufi, Marko Strazimiri & Imbro, Mirud.
Lista e 22 këngëtarëve të përzgjedhur është miratuar nga bordi i Festivalit të Radio-Televizionit Shqiptar, por organizatorët e festivalit ende nuk i kanë deklaruar të rejat e tjera të festivalit, se kush do të jenë prezantuesit e këtij viti e më gjerë.
