Ditën e sotme është liruar ish-kampioni i mundjes Elis Guri. Raportohet se vendimin e ka marrë Gjykata e shkallës së parë për Krimet e Rënda në Tiranë, e cila ndryshoi masën e sigurisë për Gurin, duke i vendosur “Detyrim për paraqitje në Policinë Gjyqësore”.
Vetë Guri kishte bërë kërkesë për ndryshimin e masës së sigurisë. Kujtojmë se Guri është akuzuar nga Prokuroria për Krime të Rënda për “Prodhim dhe shitje të narkotikëve”, si dhe “Trafikim i narkotikëve”. Ish-kampioni i mundjes u vu në pranga në kuadër të operacionit policor të koduar “Vol.Vo 4”, ose siç njihet ndryshe edhe si çështja “339/1”.
