Një viç i sapolindur, i deformuar dhe me një sy është duke u adhuruar për keqformimin e tij “të mbinatyrshëm” në Indinë lindore. Vendasit në lagjen Bardhaman të Bengalit Perëndimor kanë filluar të adhurojnë atë dhe një video e kafshës së deformuar është bërë virale në internet.
Përveç të qenit i lindur me vetëm një sy, kafsha ka një nofull të deformuar dhe nuk ka qepallë syri. Frymëmarrja e saj nuk është gjithashtu normale, ajo nxiton për të marrë ajër ndërsa fërkon gjuhën e saj në një përpjekje për të nxjerrë oksigjen nga mushkëria.
Sipas revistës mjekësore Healthline, ekspertët kanë vërejtur se kafsha vuan nga ‘Cyclopia’, një çrregullim i rrallë kongjenital. Çrregullimi zhvillohet ndërkohë që fetusi është ende në mitër, pasi një zgavër qendrore zhvillohet në një sy kur dy hemisferat e trurit nuk ndahen në mënyrë të rregullt.
Ky çrregullim mund të gjendet edhe tek njerëzit, duke rezultuar në forma të ngjashme me një sy. I porsalinduri u refuzua nga nëna e tij dhe tani për të janë duke u kujdesur vendasit.
“Që nga koha e lindjes së tij, turma e njerëzve në vendin tim kanë qenë kuriozë për të parë një viç të çuditshëm. Sipas tyre është një” shenjë hyjnore “dhe ata tani kanë filluar ta adhurojnë viçin si Zot,” citoi pronari për mediat lokale.
