Është zhbllokuar sfida në “Elbasan Arena”, fillimisht shënojnë miqtë me një gol që duket mjaft i lehtë. Por ka dyshime për lojtarin që dërgoi topin në rrjetë pasi dukej në pozicion jashtë loje. Është Tsygankov që shënon në minutën e 16’ në një pozicion mjaft të dyshimtë.
Por përgjigja e korçarëve vjen vetëm dy minuta më vonë dhe është Sabien Lilaj, që shënon një gol mjaft të bukur nga distanca. Fantastik Lilaj me atë gjuajtje nga jashtë zone, i ndihmuar pak edhe nga devijimi i njërit nga mbrojtësit e dinamos së Kievit.
